Peace Play with US!

Weekly News: Claudia & Ian

五月又到了第三個星期! 即係又到我地一眾團友的Play Day!!


本星期Ian 為我們準備了3個遊戲, 嘗試從中領略如何可以與人一起建立一段和諧的關係!


開始之先, 當然要唱詩啦!!

雖然係一首好舊的「新歌」, 但係見到大家都唱得好開心, 好享受, 所以氣氛都好好的.
而且呢一首歌既歌詞重好有意思添!

張開眼中, 一扇暖暖的窗 驅走這赤地裡的荒涼
從大地頭上, 初升的朝陽 照出一個永遠方向
懂得愛心, 知道怎麼分享 給我愛過活過這一埸
誰亦是同樣, 奔波於驕場 人潮從來沒有築牆

**人和人 年和月都太類似 無論怎麼都只活一次
晴朗的天空中找到生息的真意 人才能無悔舊時
在人潮和圍牆下只要願意 憑著一雙手總是可以
晴朗的天空中跨過彼此的疆界 連潮流亦會轉移**

一早決心, 將我愛笑的心 感染世上愛哭的人
曾立下宏願, 可不可都能 唱出真正壯闊聲音
關心眼光, 仿似最美的燈 終於會照亮遠方的人
如未盡全力, 怎麼可消沉 能抬頭, 凡事也可能  

(Repeat **)

今天的遊戲就好似體能測試咁樣, 第一個遊戲就係要大家一對一既拖住對方的手, 去碰自己既下盤, 以取得一分, 重要係10分鐘內最快取得50分呀! (聽起來好似有D不雅......=.=')有一D人就好似一齊跳舞咁捉住對方既手, 有一D人就好似「葉問」上身咁對峙, 總之就係五花八門, 各有各精彩啦!

經過一輪「激戰」之後 (全程唔夠2分鐘...), 大家都已經筋疲力盡, 坐的坐, 企既企, 喘氣既喘氣, 就咁就係度休息啦. 事實證明我地既體能係有待改善.

主持既 Ian 都冇晒我地辦法, 惟有開始第二個game. 呢個game就文靜好多, 大家要準備3項關於自己的句子, 2項真的1項假的, 等其他團友估下邊一樣係假的. 由此遊戲可以睇得出, 原來有部份既團友講大話係有一手架!

第三個game係舊「戲」重「玩」, 還記得當日 Rachael 表演行繩嗎? 而今次我地挑戰同時有兩人一齊行, 而呢兩位勇士(不知情地被我地推舉出來...)就係我地新加入既團友 - Therese & Priscilla!

經過呢3個game, Ian 想我地明白到現今的社會由於很強的競爭力, 引致人與人之間不能和平共處. 但係 Ian 都提出簡單既解決方法, 就係透過溝通, 了解和有共同的目標下, 大家就可以開始和平共處, 特別如果大家都係將目光集中係神的身上!